去完HELLO KITTY LAND已經過左12點..
我地準備過箱根果邊浸溫泉..
不過去之前當然要醫左肚先..
今日GE午餐係麵豉雞鍋..
係一間和式餐館..@@
我地張餐桌..要坐榻榻米..唔似香港果D有個放腳位..好地道
雖然唔洗跪坐..不過坐得耐仍然會腳痺-0-"
前菜豆腐..又滑又好味
個雞鍋..雖然個湯底係麵豉汁..但係絕對唔係香港麵豉湯GE等級..好味!!
依隻係另外特別訂GE魚生船..價值13000YEN..
對返成千蚊港幣..~___~"不過我地四個人分就比較好..
雖然本身唔多好依D..不過出到黎咩都試下啦
我覺得最好味係D象拔蚌
其他D三文魚丫..吞拿魚果D食落去好似差唔多咁-0-"應該係我問題-____-
依餐係咁多日之中最好味果餐
食完之後..諗住去一去廁所..因為一陣要坐兩個鐘頭車..
不過..俾我地見到D得意野..@@"
依個廁所..好清楚咁列明左女廁o係左邊..男廁o係右面..
但係其實係同一個地方黎..-0-""珍奇到O嘴
離開依道之後..我地仲要參觀一個景點先會入箱根..
就係箱根平和公園..
依個公園冇咩特別..
有個平和之鐘..不過右下寫住敲打禁止..~____~
可以敲GE只有依個細鐘..不過要俾10YEN-0-
不過..依個公園俾左我一個好大GE驚喜..
因為我o係個公園出面..發現到依一樣野..!!
就係粟米湯啦..!!
好多地方都冇..竟然依道會有..
本來我只係買左兩罐..但文健叫我試飲..點知試落勁好味..
所以又走去禁多兩罐..
只係售120YEN一罐..
唔好話我知MK新之城都有
係唔同架!!!!
跟住..搭左兩個鐘頭車之後..我地終於黎到箱根小涌園溫泉樂園啦..
不過..好遺憾..依道係一張相都冇影過架!!!
但係我都講下入面GE環境啦..
入面分兩個區域..一邊係可以著泳衣浸的...另一邊係唔可以著浸GE森之湯..
我地全部時間都留左o係可以著泳衣果邊..
我地為左個個溫泉都可以試下..
所以平均一個溫泉只浸左1 min..就要上岸..-.-""
另外..雖然係溫泉樂園..但係好多設施都係俾小朋友玩..
唯一有一個滑梯係真係刺激..令人有被拋出去ge感覺..
o係依道玩左兩個幾鐘倒..
買埋D溫泉幔頭就返去溫泉酒店啦..(事後發現原來係幔頭型蛋糕仔..不過都好好味)
我地依晚入住GE係一間叫NEW STAR HOTEL GE 溫泉酒店..o係山區-0-"
o係酒店享用晚餐..都係火鍋..~____~
大野生好推介果條魚..不過我覺得一般-0-
反而依個炸魚就相當唔錯..@@
食完返上房..依間酒店GE走廊好似D電錶房..
但係房間就相當唔錯..
日式房間..訓榻榻米..好舒服的
由於山區冇野行..所以唯有o係房玩陣鋤D..
之後就落街買燒墨魚丸食..(唔記得影相/_____\)
就結束左第二日GE旅程..
第三日去富士急同新宿
待續
0 留言:
發佈留言