登上來的相片本來是令我快樂的，
但現在，看見只覺苦．．
AL後大玩特玩東京之旅2009 DAY 4 PART2
上回講到我地去玩 "巴斯光年歷險"..
其實玩之前我地好似食左一餐..(大約o係依段時間左右啦-.-)
今日真係實行少食多餐政策..
依餐係午餐GE第一餐..我地4個人食兩個餐..
咁就唔洗一次過用哂大野生先前俾我地GE 1000 YEN..
(順帶一提..依張相係周同學的..我又掛住食冇影到..TVT..)
繼續行程..
我地之後去左玩 "星際之旅" ..
依個都係類似超動感影院..
我地就係坐o係依個模擬太空船上面..
雖然唔刺激..但係俾我GE感覺都唔錯..最重要係唔洗點排隊..
跟住..我地離開依個AREA..向住 " 西部樂園 " 同 " 動物天地 " 出發..
途中..
我地見到一個射擊場..
但係太多小朋友..所以望一望就走人-0-"
但係依加睇返個場景都造得幾靚
黎到依邊..
個氣氛即刻唔同哂..
好似好少人咁..實際上D人去哂排隊..-_____-""
我地一去到..就衝左去拎快証..
拎果陣好似連係玩咩都唔知= =總之拎左先算-0-"
依個係 " 巨雷山 "GE快証..
拎完依個快証..距離依個快証GE入場時間仲有一個鐘..
所以我地走去排第二樣野玩..
我地走去玩 " Splash Mountain "..
一個類似滑浪飛船..但比滑浪飛船好玩好多GE GAME
開頭我地以為好快..點知o係個山洞入面打哂蛇餅-0-
依個時候總會特別怨恨拎左快証GE人..-....-
排隊好悶..所以影下相..
"排隊山洞" 入面GE場景..成個山洞都好黑..-0-
開左閃光燈..其實果道係咁GE樣的
排左成個鐘..終於入到去玩..
開頭以為玩GE時間好短..但係山洞入面真係大到離哂譜..-口-
入面除左有得衝落去..(足見衝左三次-0-)
仲有好多野俾你睇..係以森林動物做主題..
成個行程10分鐘..有刺激GE部份..亦有好睇GE部分..實在抵玩
衝落黎俾佢影左張相..
張相咁貴梗係冇買..影左就算
玩完依個就夠鐘玩 " 巨雷山 "啦..
有快証o係手..唔洗排依個蛇餅..
" 巨雷山 "算係一格過山車..
不過係得個快字...一D離心力都冇..所以唔驚-0-
不過坐我地後面D日本妹..轉個彎都尖叫
洗唔洗咁投入~____~""
玩完之後..我地走左去划船..
估唔到真係要我地划..-0-""
要划依個湖一個圈..~___~""
划完船之後..
樂園入面GE花車SHOW開始..
個花車SHOW 幾乎行哂成個樂園..
所以成塊地都坐哂人..-0-""
我地本來都諗住睇..但係果度實在大曬..又熱..
坐左唔夠10秒就放棄走人..
唔睇SHOW..我地決定食牛餐GE第二餐..
我地去左間太空主題GE餐廳..
阿吹佢地叫左個PIZZA SET..
而我地就..
叫左個KID'S LUNCH BOX SET..盛惠1820YEN..
入面有塊包..同一包薯片..同一杯野飲..個史迪仔頭可以拎走..
講真..如果冇果1000YEN..我真係冇諗過買-0-""又貴又唔飽..
但係依加諗返..依日我食左咁多餐..依一餐食少D又算係D咩...-口-..
所以都冇話後悔買左佢
依個就係塊包..
食完之後都3點30分..
我地商量過之後..見迪士尼值得玩GE都差唔多玩哂..
就決定睇埋有咩紀念品就早D走..去新宿歌舞伎野
臨走前影左一影..
依個係貴到咩咁GE1爆谷盒..成千幾YEN...-口-
有好多唔同款..依個算係冇咁靚GE款了..
o係樂園入面..好多人都會咩住一個..
行完D紀念品店之後..
我地就離開DISNEY..
本來諗住搭巴士走..但係驚唔識..~____~
所以都係走左去搭JR..
行緊去車站..
再見啦DISNEY
o係車站附近GE商店行左陣之後..
我地就搭JR..向新宿出發
待續
0 留言:
發佈留言