雖然黎緊都會好忙..但我會堅持UPDATE的><"
AL後大玩特玩東京之旅2009 DAY 4 PART3
繼續行程
話說我地離開左DISNEY..諗住搭JR去新宿..
我地出發果個站舞浜..搭果幾個站要380YEN..即係30蚊港幣..
部售票機研究左陣先識-0-"
搭京葉線..
其實上車前我地都唔係好肯定係咪依道..
不過上左車之後..見到佢向住新宿出發..BINGO
事實上..o係東京搭鐵路係要十分小心..唔係真係會唔知搭左去邊-口-
話時話..其實我地上左格特快車..
我都唔知我地張車票可唔可以搭-口-不過冇人check就算啦
月台..
月台上的小商店..影得唔太清楚-___-"
特快車黎啦!!
車箱..
依度可以食野..但唔俾講電話..只可以SMS@@
所以比較靜..
終於黎到新宿..
新宿車站前面依然有好多派紙巾男..
係度我想補充返..其實DAY3我地都有經過依個地方..
其中一個紙巾男仲派左包紙巾俾我..
有冇人估到上面宣傳緊D咩呢..
其實..依包紙巾上面宣傳緊一間FOR女性GE夜總會..
不過..健唔健康我就唔知啦
(依加我終於知果D紙巾男GE職業叫咩名啦...叫牛郎!! 27/04/2010)
題外話講完..繼續@@
我地一黎到新宿..其實隻腳已經有D攰..又有D肚餓..
所以搵左間松屋坐低..食我地GE第4餐..亦係第一餐晚餐..
松屋係一間牛肉飯店..同吉野家差唔多..
不過..
我地叫左咖哩飯食..-口-兩人SHARE一個.350YEN~
雖然依個飯都OK..但係我始終想試牛肉飯多D..-.-
我地就係利用依格機買票..再將D票俾職員睇..咁就得架啦
日本有好多食店都係咁GE形式..唔洗驚溝通唔到..好方便
D票..
早知唔叫野飲..係樽裝黎..身上都有枝..仲要拎多枝-口-
稍微填飽個肚..我地繼續向歌舞伎町進發..
(其實已經有D飽..無奈我地志不在此..)
其實歌舞伎町係尋日GE行程..但係因為冇咩時間再行依道..
所以決定今日先去..
行左唔知幾耐..終於黎到啦!!
不過我地要去GE地方o係隔離條街..
點解不顧一切都要黎依度??一陣就知
依度其實夜總會臨立..好多人o係度拉客..
不過佢地唔會拉旅客
依度除左夜總會出名..仲有好多野令我想黎依度..
第一..
就係野食
依碗係博多天神GE招牌叉燒麵..盛惠700YEN~(第五餐-0-")
真係..就算飽到上心口都要食哂佢..好好味丫!!
不過..男仔們就無緣啦..哈哈..
佢地走左去金太郎食海膽飯..1200YEN碗-0-
聽講冇想像中咁好食..
食完之後..我地前往尋找另一個黎依道GE目的..
就係夾公仔!!
我地聽講有一間公仔鋪勁易夾..所以點都要搵到佢
但係..我地開頭入果幾間都係呃錢..點呃錢??
咁呃錢囉-.-
搵左幾間之後..終於!!
搵到你啦!!一定要影返張相記住你
我一入去..即刻夾到隻細史迪仔!!
跟住第二次諗住夾埋隻粉紅色史迪女..夾唔到-0-
個靚女員工竟然開鎖推出D個公仔..
夾到啦今次之後去夾大野..都得!!夾到果下真係超開心!!
大POOH
細野=]有一隻唔o係我度@@
題外話..去完日本返黎..我o係9灣某間賣日本野ge鋪頭見到隻一模一樣GE史迪仔..
65蚊!!升價十倍!!-口-
但係..隻史迪仔我夾返黎只用了100YEN..-____-
夾完之後..個靚女員工仲俾個袋我地裝公仔..
下次去日本真係唔洗去其他夾公仔鋪啦
離開夾公仔鋪..我地o係新宿再行多陣..
9點幾就決定起程返酒店..因為返到酒店仲有節目..
""我地入左一個站..但搵黎搵去都搵唔到品川站..
原來..我地去左第二間鐵路公司GE車站-口-""
幾經辛苦..我地終於搵到JR GE車站..
搭返去品川..大概6個站左右..190YEN..有時間為証
返到去酒店..今日最後一個節目..
就係食北海道雪場蟹..(第6餐....)第二日果陣訂左架啦..
13000YEN一隻..不過唔洗女仔俾錢
就咁睇相可以唔覺隻蟹大..
但係事實上一隻腳接近30CM長
我食左兩隻腳已經好飽-口-不過真係幾鮮甜..甜到我罐西柚汁變左苦味= =
食完之後..
我整理左D紀念品..影左幅相..
依度算係大部分..不過有D冇拎出黎.
另外..今日仲拎埋前兩日同大野生訂GE零食..1300YEN一包-0-
其實仲有好多種類..不過我覺得依兩個最好食..
返到黎好快就冇哂..早知訂多D..-.-
第4日完..聽日去雷門同銀座
待續
0 留言:
發佈留言